Ika – 6 ng Pebrero, 2007
Para sa iniidolo kong bayani,
Kamusta?! Isa ako sa mga milyun-milyon kabataan na lubos kang iniidolo. Labis-labis ang paghanga ko sa iyo sapagkat tunay ka namang napakasuwerte.
Siya nga pala, ako ay isang estudyante pa lamang. Alam mo ba, pinag-uusapan ka namin sa klase. Sa aming unibersidad, meron kaming isang aralin na ikaw ang aming paksa. Lahat ng tungkol sa iyo: ang iyong buhay, mga naisulat- mga tula, prinsipyo, ideolohiya, nobela at ang mga nagawa mo para sa ating bayan. Akalian mo, sa pamamagitan ng iyong pagsusulat, nakaya mong mailantad ang mga kabuktutan ng kolonyalismong Espanyol sa Pilipinas noong kapanahunan mo. Sa panahon kasi namin ngayon, bibihira na ang may lakas ng loob na makagawa noon. Talaga naman bumibilib ako sa iyo dahil napakadaming impormasyon ang nakaimbak diyan sa utak mo.
Nais kitang pasalamatan sa lahat ng karunungan na iyong naipamahagi sa amin. Sana nabubuhay ka pa rin ngayon upang ang ating mga kababayan ay tumino. Ngayong magtatapos ako sa unibersidad na aking pinapasukan, ipagpaptuloy ko kung ano ang aking mga natutunan - ang pagmamahal sa bayan sa isip, sa salita at sa gawa.
Lubos na gumagalang,
Joyce R. Pumaris
BSIT4A
A+
Subscribe to:
Post Comments (Atom)
1 comment:
WOW! GALING NAMAN!
Post a Comment